isa sa pinagkakalibangan ko sa mga araw na ito (maliban sa psp, he he) ay ang pagbabasa ng mga aklat sa wikang pilipino. paborito ko ng puntahan sa national book store ang bahagi na kung saan naroon ang mga aklat na akda ng mga pilipino authors.
dati hindi mo ako mapapabili ng aklat, lahat yata ng nabasa ko ng aklat ay pawang bigay o di kaya’y binili ng mga anak namin. ngayon, nakakatatlo na akong bili na kaya kong tapusin ang isang aklat sa buong magdamag. minsan nga kahit nag-papatulog ako ng apo ko, sinasabayan ko ng basa ng aklat.
katatapos ko lang basahin ang aklat ni gng.genoveva edroza matute. (walo at kalahating dekada ng isang buhay) aliw na aliw ako sa pagbabasa nito. malinaw niyang nailarawan ang buhay niya mula ng siya ay bata hanggang sa kasalukuyan. isa siyang guro na naabutan ko pa sa pnu noong ako ay college doon. ang mga aklat na akda niya ay napag-aralan namin noong kami ay hi school sa probinsiya. at nabasa ko ang mga kwento niya sa liwayway at bulaklak noong araw.
noon pang bata ako, kapag nagbabasa ako ng mga kwento sa mga babasahin, nais ko ring magsulat, pero parang di ko kaya. tila nagkakaroon ako ng inspirasyon ngayon na sumulat. gagayahin ko si gng. matute, susubukan kong isulat ang buhay ko.
pero siempre hindi ko ilalagay sa blog, sa akin na lang yon. wala naman sigurong magtitiyagang magbasa noon kundi ako lang ano.
No comments:
Post a Comment