ANG ROSAL.....

Gardenia din daw kung tawagin. Maraming alaala ng nakaraan, noong aking kabataan.

May malaking puno nito sa gilid ng aming bahay. Masipag siyang mamulaklak, halos araw-araw.

Naaalala ko si Nanay, namimitas siya tuwing umaga bago ako pumasok sa paaralan. Elementarya pa ako noon, pinapadala niya sa akin, dalhin ko daw sa titser, para ilagay sa mesa. Ayaw na ayaw kong dalhin ito, isip ko sumisipsip ako sa titser, baka pagtawanan ako ng mga kaklase ko. Hanggang minsan kapag ayaw kong magdala, nakukurot pa ako ng nanay ko. 

Tuwing buwan ng Mayo, nag aalay kami sa simbahan tuwing hapon. Suot ang puting damit at bit bit ang basket na puno ng pinitas na kung anu anong bulaklak, may puting belo sa ulo at may pumpon ng rosal na ilalagay sa Birhen ng Rosario.

Nakahiligan ko nang magtanim ng mga halaman sa aming maliit na bakuran sa ngayon, minsan sa aming pag bili ng mga pantanim sa Tagaytay, naisipan kong bumili ng rosal. Matagal ko na sya ng inaalagaan, kinainipan ko nang mamulaklak. Isang umaga, nakita ko na siyang namukadkad. Inamoy ko ang mahalimuyak nitong bango. Muli, naalala ko ang aking kabataan, ang aking. Nanay, ang buwan ng. Mayo..... Ang rosal...bow...

A Week Spent in Lopez

Marami ng beses nagtanong si Mommy at si Tatay kung kailan daw kami uuwi sa Lopez. Hindi naman kami makasagot agad agad dahil may mga gawa din sa Cavite. Kaya nang medyo mabakante kami ni willy, nagplano na kaming umuwi noong sabado. Madilim dilim pa nang daanan namin si mommy sa Wood estate, tuloy sa Gardenia at doon naman ay nakaabang na si Tatay. Ang siste nga pag ganitong bibiyahe halos hindi na natutulog ang mga ito sa excitement siguro. Pareho na sila ng 89 years old. Nakisabay din sa amin si sis Bing na tiyempo naman na maghahatid ng gamot ng pamangkin, kaya bale lima kami sa crv. Alam ko masaya ang 2 matanda kapag ganitong uuwi sa quezon. Sa daan pa lamang, titigil kami sa tabi ng daan na may naglalaga ng puting mais at iyon ang bale almusal namin. Pagdaan sa may San Pablo, bibingka naman ang paboritong merienda namin. Halos anim na oras ang itinatagal ng biyahe, (may ilang beses ding titigil sa mga gasolinahan upang magpunta sa cr. Oras ng pananghalian, tumigil naman kami sa Lolo Ompo, isang kainan sa may tabling dagat sa Siain. Adobong pusit, dinuguan, sinaing na tulingan, at binagoongang baboy na maraming sili, mainit na sabaw at isang bandehadong kaning parirotong. Ang minatamis ay polvoron at yema. Pag dating sa Lopez eh di busog na kami, wala kasi kaming dadatnan sa pare hong bahay. Sa calle Anda, wala si Mayet, at si Marvin naman ay madalas sa linang. Sa bahay ni Mommy Ning, nagkakatao lamang kung kami ay pupunta.

Linggo, nagtiangge muna kami ni Willy, tapos sumimba sa hapon. Nakakainip sa buong maghapon, unang araw pa lamang, gusto ko nang umuwi. Walang tv, walang radyo. Buti na lang at mayroon ako nitong iPad , games at movies na down load ni Joy. Miss namin ang Facebook , wala kasi ng internet siempre. Ang dalawang oldies, pasyal na sa sementeryo upang dalawin si Nanay at si daddy Wil. Isa ito sa dahilan kung bakit gusto nilang umuwi. Alas siete ng gabi, tapos na kaming maghapunan, handa ng matulog. Malamig ang simoy ng hangin dito, para kaming nasa Baguio, at paminsanminsan umuulan. Taliwas sa klima sa Cavite.

Pang-apat na araw na namin ngayon, sa Huwebes pa sana ang balik naman, pero napagpasiyahan namin na umuwi na bukas. Marahil naman ay okay na ang pagbabakasyon ng aming mga magulang. 

Pagkatapos ng paglalakad sa Lopez High kaninang umaga, tumuloy kami sa Elementary  school, tapos dumaan kay Tatay sa Calle Anda. Martes ngayon at tiangge, kayat namili kami ni Willy ng mga gulay at halamang pantanim sa palengke. Isa ito sa nakagawian namin, ang mamili sa tiangge. May kamurahan ang mga bilihin. Bukas ng maaga, mamimili naman ako ng Isda at karne, ilalagay sa cooler na maraming yelo.

Maaga pa lamang lumakad na ako upang mamalengke, habang si Wiily ay naggagayak ng mga dadalhin. Daing na kalaso, bukawin, tinapang galunggong at dilis, sariwang matalos, hi was, bukawin, talimago, hipong katamtaman ang laki, at iba pang Isda na doon ko lang madalas mabili sa Lopez. Dumaan din ako para bumili ng paboritong tikoy ni kiko at sumang malagkit.

Mag alas nueve na ng umalis kami. Dumaan sa isang karinderia sa atimonan para magmeryenda ng chami at miki bihon at ang Suman na dala namin. 

Sira ang ibang bahagi ng daan, maraming inaayos, nkatuwaan naming bilangin ang mga nag one way, na may karatulang This Way, sa maniwala kayo at hindi, 54 lahat. 

Siempre hinto rin kami sa Villamater sa Sariaya para naman sa mga pasalubong. Longganisang lukban, polvoron, pan de coco, shing a ling, uraro, mani at jacobina.

Nakakapagod ang maghapong biyahe, pero masaya naman, siempre mas masaya ang mga kasama naming super seniors, kami ni willy medyo junior senior he he he. Inihatid na muna namin sila sa kani kanilang bahay bago kami umuwi sa cerritos.

DIARY OF A DIABETIC

July 2003 - Ito yong taon na una akong na diagnose na mataas ang blood sugar. Naalala ko pa ang doctor ko noon ay si Dr. Deala. Siya ay speaker namin noong nagsisimula pa lamang kaming mag aatend ng formation seminars sa Holy Family. Sa Las Pinas DoctorsHospital ako una nagpacheck up.  Ang blood sugar ko noon ay 15.  Sobra ang takot ko nang malaman ko na nakalinya ako na maging diabetic. Marami akong nababalitaan na nangyari sa mga kakilala ko, kaibigan at iba pang tao na nagkaroon ng mga komplikasyon na nagiging sanhi ng pagkamatay. Nanibago ako sa dami ng mga gamot na reseta, at iba ibang laboratory tests na pinagawa. Ang daming bawal na pagkain.

Jan. 2004 - kumunsulta ako kay Dra. Acampado, isang diabetologist sa Casa Medica, sa payo ng isa ng kaibigan. nagpapacheck up ako regularly, my fbs seemed not to go down. She advised me to have my insulin injection, if in case pagbalik ko for the next check up ay hindi pa nagnormal.

Sept. 2004 -  sa takot kong maging insulin dependent tulad ng sabi ng pangalawa kong doktor, punta naman ako sa makati medical center, sa doktor ni kuya noly (na diabetic din) kay Dra. Divinagracia.

Mahabang biyahe sa tuwing magpupunta kami sa makati, sobrang nakakapagod at medyo magastos sa pamasahe. Matagal din akong nagpabalik balik doon, commute kami ni willy pag pumupunta doon. Umayos naman ang mga lab tests ko.

Sa tuwing umuuwi kami sa lopez, nagpapalab test ako, minsan sa St. Jude, minsan sa Alfuerte Clinic.

Sept. 2006 - pagkaraan ng 2 taong pagpapa check up sa makati, napagod na kami ni willy at naisipang maghanap ng mas malapit na doctor. napunta ako sa Las Pinas Medical Hospital. walang rekomendasyon, naghanap lang kami ng diabetologist na duty that time. si dr. gabriel tan naman ang naging doctor ko. 

tila hindi naman nagbabago ang blood sugar ko, pati blood pressure.

Feb. 2011 - this time kay dra. aniceto ng Molino Doctors Hospital ako pumunta. dami niyang pasyente, haba ng pila, at sa dami ng pasyente, halos konting oras na lang ang nauukol niya sa pasyente. 

Sept. 2011 - maluto clinic sa pag-asa molino. pacheck up ako dahil sa frequent uti kay dra. chincuangco, isang pulmonologist. hindi siya diabetologist ngunit mahusay naman siyang magreseta ng gamot. maging si lottie, si tatay at si willy nagpakonsulta na rin sa kanya. ito ay sa iba ibang pagkakataon.

Siya ang nagsabi sa akin na magpa cityscan ako, at doon ay nalaman na may diffuse fatty liver na pala ako. may araw kasi na medyo masakit ang tiyan ko.

Oct. 2011 - inirekomenda ni dr. ching na magpunta ako sa isang gastro-internist upang maagapan ang aking fatty liver, at kay dra. Masa ako napunta sa casca medica sa southmall.

May - 2013 - bagong hospital sa molino na di kalayuan sa amin, muli ay ipinasiya naming mag asawa na doon na magpakonsulta. diabetologist din, medyo bata pa, si dra. chielo perez. 

Marahil ay magtataka ang babasa nito, bakit kaya palipat lipat ako ng doctor, hindi ako makuntento sa iisa. Maraming dahilan. Una nga ay ang minsan ay sobrang layo ng ospital o klinika, yoong iba naman parang hindi ko maramdaman na may concern sa pasyente, merong parang laging nananakot sa posibleng mangyari. yong tipong lahat ng bagay na ginawa mo mali sa kanya. meron din na sa simula parang may TLC, habang tumatagal halos di ka na tingnan, record ko na lang ang tinitingnan, kung tumaas ba o bumaba ang fbs ko. araw araw kasi akong nagtatala ng aking fbs at bp. nawawala tuloy ang tiwala ko sa kanila.

Jan. 2012 - sa paglipas ng mga araw, may mga nararamdaman akong panghihina, minsan madaling mapagod sa konting paglalakad. minsan naman sobrang baba ng blood sugar o hypo, minsan sobrang taas. ang bp ko, taas baba rin. may araw na constipated, madalas di mapagkatulog.  nagmomonitor ako ng fbs at bp dahil meron akong pangtests ng mga ito. salamat sa anak ko na bumili ng mga ito para sa akin.

isa sa libangan ko ay makinig ng radyo. isang gabi habang nakahiga ako at nakikinig, nalipat ko sa programa ni manang rose sa dzbb. maraming patototo sa mga pasyenteng may diabetis, fatty liver atbp. pinuntahan namin ang Lizada clinic na nagbebenta ng gamot na may ginseng tea daw. matapos makinig sa libreng seminar, halos ilang buwan ko ding sinubukang uminom nito. mayroon ding programa tuwing umaga 8am to 9am. dr. jaime galvez tan, isang herbalist doctor siya. isa rin si dr. gary sy , isang geriatic doctor. sa aking madalas na pakikinig sa kanila, inililista ko ang kanilang mga payo at mga kaukulang gamot sa iba ibang sakit. karamihan sa payo nila natural medicines, herbal products. may isa pa pala akong pinapanood sa tv, ito ay healing galing kay Dr. edenil calvario.

hanggang ngayon matiyaga pa rin akong nakikinig, nanonood sa tv sa kanila. patuloy na naghahanap ng kagalingan sa aking nararamdaman. alam ko, una ay ang Panginoon, pangalawa ay ang mga instrumentong gumagabay upang maging normal ang aking katawan.

may mga tanim na kami ng mga halamang gamot na akin pinipitas tuwing umaga at siya kong iniinom na supplement bukod sa mga gamot na reseta ng doctor. hallimbawa nito ay ang mga dahon ng  avocado, sambong, pandan, malunggay, luyang dilaw at luyang puti. ito ay inilalaga at iniinom ko na parang tsaa sa umaga at sa gabi. Bukod dito ay ang halamang serpentina, sobrang pait sampung dahon sa isang basong mainit na tubig na iniinom din. pinalalago ko ito sa aking garden sa ngayon.

kapag tinitingnan ko ang record ng aking mga gamot, mga laboratory  results, pangcheck ng blood sugar, isama pa ang mga pagkaing tulad ng brown rice, red rice, black rice, wheat bread, mga biscuits, mga prutas, at gulay na angkop sa tulad ko, malaki laki na ring halaga ang lahat ng ito. sampung taon na akong ganito. minsan nakakapagod at nakakasawa, ngunit dapat hindi.

napakabuti ng Panginoon, hindi Niya ako pinabayaan, salamat sa mga anak ko, lalo na kay Joy, at siempre kay Willy na lagi lagi nandiyan sa aking tabi.

Looking back, marahil, kung hindi ako naging pasaway noong mga unang taon ng aking karamdaman, kung sinunod ko lahat ng dapat at hindi dapat, mas  okay sana. namulat ako nitong bandang huli na. ngunit hindi pa huli ang lahat. alam kong ang Diyos na sumusubaybay sa akin ang siyang doctor ng buhay ko. hindi nya ako pababayaan. 

PARAISO

Masaya kaming namumuhay sa aming bagong tahanan. Sa maagang paggising sa umaga, malaya akong nagpupuri sa Diyos sa asotea na katabi ng aming silid, habang naririnig ko ang mga huni ng ibon sa mga punong nasa paligid ng aming bahay. Malamig ang simoy ng hangin, kahit ang iba ay nagrereklamo sa init ng summer, siempre walang pollution dahil wala naman mga sasakyang nagdaraan, maliban na lang kung may mga ibanghomeowers na napapadaan sakay ng sariling sasakyan. Bawal kasi ang pagpasok ng tricycle dito.Wala pang gaanong lumilipat na mga kapitbahay, bagaman at halos nakatayo na ang mga ito sa aming kapaligiran. Paminsan minsan may nagdaraang nag jojogging, may mga katulong na nagpapasyal ng mga aso, mày guard na nagroroving. Maliban doon wala nang masyadong makikita. Ganito katahimik sa aming subdivision sa ngayon.
Sa gilid ng aming bahay ay may kapirasong lupa na pwedeng pagtaniman. Wala itong may ari, isa ito sa dahilan kung bakit ito ang napili ni Willy na lugar. Sinimulan niya itong taniman ng mga puno na bigay ng mga kaibigan namin na mahilig ding magtanim.
May puno ng talisay sa gilid ng bakod na halos kasing taas na ng asotea. Ito ang nagbibigay ng lilim sa aming tahanan. Sa simula masyado ang reaksyon ko na maputol na ito, ngunit nakita ko na okay din pala naman. Medyo mataas na rin ang puno ng avocado, guyabano, at mangga. May katagalan pa siguro ito bago mamunga. Sa di kalayuan ay may kamyas at papaya. Nakatikim na rin kami ng minatamis na ube at cassava cake mula sa mga tanim. Dito na rin kami namimitas ng talbos ng kamote. Ang dahon ng pandan na inilalagay sa sinaing upang bumango ay doon na rin pinipitas. Ang tanlad para sa adobong manok ay malago na rin.
Nang dumating si Sallie, lalong nadagdagan ang mga halaman. Mahilig din kasi siya sa paghahalaman. Mayroon nang ampalaya, patola, sitaw, pechay at mustasa. May mababang puno ng kalamansi na namumunga na rin. Minsan may tumubong melon at kalabasa, natikman din namin ang unang bunga, ngunit di ito nagtagal. May okra din pala at sili.  Sa harapan ng bahay ay ang mga halamang namumulaklak at halamang dahon.
Puwede na akong kumatha ng awit tulad ng bahay kubo na iisa isahin ang mga halaman sa paligid.
Tulad ng lagi ng pagtatapos sa aking mga sinulat, patuloy na papuri at pasasalamat sa Panginoong siyang nagpapala at nagbibigay ng grasya sa aming munting paraiso.

EXODUS

Ilang beses ko na bang sinubukang isulat ang topic na ito, hindi ko maisip kung paano ko sisimulan. Ngunit nais kong gawin, nais kong mabasa nang marami kung paano kami naglakbay, sa bawat tahanan na aming tinirhan, nilipatan, mula noong pagkabata hanggang sa kasalukuyan. Masarap balikan ang nagdaang panahon, maraming behind the scenes ika nga, alam ko sa mga kapamilya at kaibigan ko na makakabasa nito makakarelate kayo.

1949- Isinilang ako sa Lopez,Quezon sa Calle Anda. Sa pitong magkakapatid anim kaming sa tahanang ito pinanganak.Si kuya ang panganay ay sa Tagkawayan isinilang.. May kalakihan naman ito kesa kubo dahil nakaangat sa lupa ng may kalahating metro, silong ika nga. May mga bintanang pawid na may tukod ng kawayan upang mabuksan, sahig na kawayan sa kusina at kainan, kalan na abuhan na panggatong ang kahoy, may batalan sa gilid ng kusina. Sa gilid ng bahay ay may mahabang balkon na may pasamano na maraming paso na punong puno ng bonggabilyang may sari saring kulay.
Tanda ko na noong nasa elementarya kami, unti unti itong ipinaayos sa tulong ni lelang at sa trosong ipinahakot ni tatay mula sa Calauag (sa sawmill kasi siya nagtatrabaho). Matagal bago nabuo ang bahay na ito, high school na kami hindi pa rin ito gaanong tapos. Ito ay may kalakihan, dalawang palapag, dalawang malaking kwarto, at dalawang salas. Sa simula wala itong sariling banyo at cr. Malayo layo ng konti, (isang topic na madalas naming nakakatuwaang pagkwentuhan, nakakahiya lang dito isama). Natatandaan ko, maraming okasyon ang ginanap sa bahay na ito, kasalan, binyagan, pamanhikan, tuluyan ng mga kakilalang taga linang, marami ding naiburol na patay. Tumira din dito ang mga pinsan namin na nag aral ng kolehiyo dahil sa ibang bayan sila naninirahan. Hanggang ngayon andoon pa rin ang bahay na ito, tanging si Mayet na lang at pamilya niya ang nakatira dito. Kapag umuuwi kami sa probinsiya napapagawi kami doon. Ancestral house daw sabi ni tatay. Para sa aming lahat, walang mag isang magmamana.

1970- Isang malaking pagbabago sa buhay namin na talagang tinatanaw naming malaking utang na loob ang pag yaya sa amin nina lolo tito at lola uding na tumira sa Makati sa luma nilang bahay sa Balderama st. Halos 30 taon kaming nakatira doon ng libre, sa compound nila. Dito nakatapos kaming lahat ng pag aaral mula hischool hanggang kolehiyo. Dito namin unti unting binuo ang aming mga pangarap, hanggang isa isa na kaming nagkapamilya. Masaya ang mga araw na iyon sa Makati, kabataan kasi, marami din kaming kamag anak, kaibigan na nakitira sa amin.

Ang mga susunod na taon ay ang aking paglalakbay sa buhay may asawa.

1975- Disyembre ng taong ito kami kinasal sa Bago Bantay, Quezon City at doon na rin namin napagpasiyahang manirahan kasama ng mga in laws ko. Di naman kami nagtagal, lumipat kami sa Makati, may kalayuan ang biyahe ko sa paaralang pinagtuturuan ko noon.

1976- Sa Bangkal, Makati sa isang apartment , kasama ang isang pamilya na may apat na anak kami tumira.  Masikip sa iisang kwarto pati mga inlaws ko kapisan namin. Doon ko ipinaglihi ang panganay namin na kung saan ay nakunan ako sa pang limang buwan ng pagbubuntis.

1977- Nagdalang tao ako kay May, medyo maselan ang paglilihi ko at sa takot naming muling makunan, naisipan namin na pumisan kina nanay sa Balderama, muli sama sama kaming magbibiyenan. Sa tapat ng bahay namin may paupahang apartment sina aling Betty at sa kagustuhan naming magsarili, lumipat kami doon. Apat na daang piso ang upa, noong panahong iyon nabibigatan kami sa badyet kaya muli na kumuha kami ng kapisan sa kabilang kwarto. Nagkakasya kaming matulog na anim sa maliit na kwarto, ang mga biyenan ko,hipag, bayaw at kaming mag asawa, nadagdag pa si May na isinilang ng taong iyon.

1978- Nahikayat kaming bumili ng lote sa Las Pinas, na hinuhulugan namin kada buwan, para makatipid, muli ay lumipat kami sa tapat bahay kina nanay. Naging dalawa na rin ang anak namin, si Joy taong 1979. Sumunod na rin si Kaye noong 1981
Nagsimula na ring gawin ang bahay namin sa Manila Doctor Village sa Las Pinas, sa tulong ng SSS loan.

1981- Hindi naman kalakihan ang tahanan namin sa MDV at hindi pa rin gaanong tapos , sabik kaming lumipat dito. Ngayon hindi na sumama ang mga biyenan at hipag at bayaw ko. Nagkaroon na rin sila ng pamilya at umupa na rin sila ng sariling bahay sa Makati.

1984- Ipinasya ni Willy na makipagsapalaran sa Saudi, nahirapan kami sa pinansyal na pangangailangan. Nagsimula nang mag aral ang mga bata, may hinuhulugang lupa at marami kaming utang. Muli bumalik kami sa Makati, malapit sa pinapasukan kong school at sa school na rin ng mga bata. Nababantayan na rin sila ni nanay. Pinaupahan namin ang bahay sa MDV.

1991- Natapos ang kontrata ni Willy sa Saudi, muli balik Las Pinas kami. Ang kaunting pera na naipon ginamit sa paggpapaayos at pagpapalaki ng bahay.

1996- Maraming pangyayaring naganap sa buhay namin, sa mga nakaraang taon, kinailangan naming iwan ang MDV at lumipat sa Gardenia Valley Blk. 26. Ito naman ay ang tahanan namin na bigay ni Lord.

1997- Balik MDV at nagtayo ng Learning Center dito.

2002- Muli bumalik kami sa Gardenia Valley sa Blk 16 lot 3. (Nang simulan kong isulat ang blog na ito, dito ito nagtapos. Ang akala ko hanggang dito na lang, ipinagpasalamat ko na sa Diyos ang aming paglalakbay. Halos  sampung taon na kaming nanirahan doon kasama si nanay , tatay ang panganay naming si May at Jesse, at si kiko ang aming  apo. SiJoy at Kaye kasi nasa ibang bansa nagtatrabaho)

2011- Hindi ko malilimutan ang May 17, sa taong ito. Bukod sa bday ni Willy ito rin ang araw na lumipat kami sa pinangarap kong bahay. Ito na ang tahanan namin sa kasalukuyan. Sa araw ng paglipat namin, isang trak na puno ng mga bagong appliances ang ibinaba sa bagong bahay namin. CERITTOS HEIGHTS Daañg Hari, Molino Bacoor Cavite, ito ang bagong address namin.
Ito ang tahanang ipinatayo ni Joy para sa amin. Ngayon masaya kaming namumuhay sa aming magandang bahay.
Masayang balikan ang panahong nagdaan, panahon ng maraming pagsubok, pangamba, takot, nang kapaguran sa tuwing maglilipat sa ibat ibang bahay. Noon walang katapusang paghahanap sa maraming katanungang tila walang kasagutan.

Salamat sa Panginoon, Siya ang. Gumagabay sa amin sa tuwi tuwina. Hindi ko ito narealize noon. Sa aming paglalakbay doon namin Siya natagpuan.
Magtiwala at sa Kanya umasa, Siya ang kasagutan sa Lahat ng bagay. Siya ang gagabay at magbibigay ng magandang buhay.

WALANG HANGGANG PASASALAMAT, SA IYO ANG KAPURIHAN NGAYON AT KAILANMAN. AMÈN!!!!

Tribute to a friend

Nakagawian ko nang maglakad tuwing umaga sa palibot ng village na malapit sa aming bahay, ito ay bilin ng doktor, pampababa daw ng blood sugar ko. Madalang pa ang nakatira sa bagong subdivision, bagaman at may ilan na ring itinatayong bahay. Kami yata ang pinakaunang lumipat, dalawang taon na ang nakararaan mula noon. Mayo 17, 2010 kami lumipat.
Makalipas ang anim na buwan, may nakita akong bagong lipat sa pangwalong bahay mula sa amin, napadaan ako doon at ngumiti sa akin ang isang halos kasing edad kong babae at nagpakilala na si Mely nga daw siya. Yaon ang simula ng aming pagiging magkaibigan. We have many things in common ika nga, pareho kaming taga quezon, retired teacher, senior citizen, may anak na dalaga sa singapore.
Madalas kami nagkukuwentuhan, minsan habang naglalakad, minsan sa bahay nila o kaya sa bahay namin.
Ang topic namin, sari sari, lahat na yata napagkwentuhan namin, ang mga nakaraan noong aming kabataan, kung paano kami niligawan, ang mga kaganapan noong mga guro pa kami, ang mga pangkasalukuyan.
Madalas niyang ikukuwento ang kanyang mga anak, kung paano niya ito naitaguyod sa pag aaral. Minsan pati mga telenovela yata topic na namin.
Si Mely mas palakaibigan kesa sa akin. Mas marami siyang kilala sa aming subdivision. Alam niya kung sinu sino ang mga bagong lipat, kung sino ang nagpapaextend ng bahay, kung taga saan sila at kung anuano pa. Pati nga mga security guard at mga karpintero kinakausap din niya.
Meron din siyang katangian na marunong makinig, pag kailangan ko ng kausap, pag naiinip ako sa aking pag iisa sa bahay, pagmay problema na kailangang ihinga, nakikinig siya sa akin.
Isang madaling araw, nagising kami sa tawagni Emu, asawa ni Mely, emergency daw, isusugod sa ospital si Mely, umuungol siya sa kama. Si Willy at ilan pang kapitbahay ang nagdala sa kanya sa ospital. Sa kasamaang palad, hindi na siya umabot ng buhay, matinding atake sa puso at noon din ay binawian na siya ng buhay. Marami ang nagulat sa bilis ng pangyayari. Paano'y hindi naman siya nag ingat sa sarili. Alam niya na may diabetes siya kaya unti unting nanlalabo ang paningin, ngunit hindi siya nagpapatingin sa doktor.
Ngayon mamimiss kita kaibigan. Wala na akong kajogging sa umaga, wala na ring makakwentuhan. Napakaiksing panahon ngunit tumatak ka sa aking isipan. Paalam Mely, saan ka man naroon sanay masaya ka sa piling ng Poong Maykapal.

Singapore Holiday 2012

Day 1 - Dec. 19
4:00 pm. Taxi to terminal 3 with Willy.
12:00 midnight - Changi airport. Joy and Boyet fetched us. Slept at almost 3:00 am
Day 2 - Dec. 20
Woke up at 7am. Checked in at Marina Bay Sands-14 th floor. Lunch at Casapura.
Thank you Lord for our safe travel, for the good health, for the nice experiences we have. Its only our second day but I felt so blessed, for Joy and Kaye, for being so generous and loving, thank You for letting us feel that all the things we enjoy we are fully aware that they are graces from you.
Day 3 - Dec. 21
Still at MBS - early morning walk at infinity pool. Kiko, May and Jesse came from the airport to MBS, just in time before we checked out. Had time to walk around the pool. Checked out ar 12:00 noon. Lunch at Casapura. Home by 5:00 pm.
6:00 pm - to Tampines at Sheena's place, to the mall first for gifts to the baby. Also Glucerna and Omega 3 for me and dad.
Day 4- Dec. 22
Botanical Garden - early lunch at Sengkang, then to Value Plus for some baon. Remy and Racquel with us. Melai followed later. Garden is beautiful, many different plants and flowers. The place is so huge. Had a wonderful time with the group. Enjoyed taking pictures.
Dinner at the house, tinola thanks to Racquel. Watched movies in the bedroom.
Day 5- Dec. 23 - Sunday
Playground with Kiko, Joy, Racquel and Dad
After lunch to the mall.
Sunday service - Hope Singapore. Thank you Lord for the blessings.
Day 6 - Dec. 24
With the whole family and friends lunch at Tong Luk Restaurant. Sit down buffet, food was superb, another first experience.
Windowshop at the malls. Xmas decors were so fabulous.
Coffee at one of the oldest coffee shop in town.
Shopping for our exchange gift at the malls
Waited for evening to see the xmas decors at the street. Very beautiful.
Home. Watched movie again.
Day 7- Dec. 25 Tuesday Christmas Day
Every one woke up late, because of yesterdays activities, joy and kaye and friends went to a party in other house and came home past midnight.
Still in our pajamas and up from bed, we gathered around the sala and have our exchange gifts. (2 days ago we had our bunutan as to who our monito would be). As always Kiko was the one busy as he gave the gifts prepared by us and of course excited coz he knew he would be receiving lots of gifts. We really had fun. The spirit of christmas, the joy of giving and receiving, the laughters and the bonding with the family, and our new friends in the house made it so.
After the gift giving, we have nothing on the table and it was past lunch time, so off we go to Hougang and had our salusalo.
After late lunch, they did the marketing, and we prepared our handa for dinner. Each one of us had our share in cooking; menudo, caldereta, macaroni salad, roasted chicken, rellenong chicken, paella, cake and a lot more. Joy's care group came in the evening for the party,
Day 8- Dec. 26
Another late breakfast at hawkers fast food. Then to Bugis ( a mall similar to Divisoria) to buy our pasalubong. Joy was at work, so all of us except her went there. I felt so tired, so we did not go with them to Ikea in the evening, we stayed home and watched the movie instead.
Day 9 - Dec. 27
May and Jesse went to canning fort and to the malls. I washed clothes the whole day. Twas easy coz of washing machine and dryer.
5:30 pm to Sengkang with Willy and spent most of the tîme in the library. After the past days activities, I felt tired already I just would like to stay home.
Day10- Dec. 28
In the morning, continued washing clothes. May and Jesse to the mall again.
In the afternoon another memorable day again. After lots of convincing and assurances, I did joined them in the Singapore Flyer. Really wow, thanks God I enjoyed the ride and will never forget the experience.
In the evening, at the Esplanade, Singapore is really a city of lights. Cannt describe much, maybe the pctures we had, will explain them all.
Day 10- Dec. 29
Am- jog at the playground with willy
Was supposed to go to sentoza, but the weather was not good, so we just went around the vivo  city. Then kiko, willy, and me went home leaving joy, may and jesse at the mall.
Day 11- Dec. 30
Woke up at 2am not feeling well. Home all day. Kiko had an advance bday party. Racquel cooked spaghetti, kaye bought cake, and ice cream.
We began to pack our things.
Joy bought me my mini tablet.
Day 12- Dec 31
Brunch at Buangkok. Then to Sengkang, bought ipad case, some groceries at Faiprice and Value plus.
Busy packing our things.
To Changi airport at 7pm. Though our flight was at 2am, joy and kaye had to leave us at airport early, they have a party with their group.
We spent New Years Eve at the airport. Just like any ordinary day, people around seemed not to mind that twas another new year na.
This was our fourth time to travel to Singapore, the experiences still excites me, just like twas always the first time. God is so good to us, for giving us all the blessings we have. I praise and thank Him for everything.